Ո՞վ է ասել, որ այս առոգանությունը կամ մտածելու այս կերպը մշակվածն է: Եթե կա մշակվածը, դա այն պատճառով է, որ կա նաեւ չմշակվածը: Անհնար է խորհել լեզվի մասին՝ առանց խորհելու գաղափարախոսության եւ իշխանության մասին: Ես պաշտպանում եմ ուսուցիչների կոչումը՝ սովորեցնել մշակված լեզուն, եւ ես պաշտպանում եմ երեխաների եւ մեծերի իրավունքը՝ սովորել ընդունված տարբերակը: Բայց ժողովրդավար ու հանդուրժող ուսուցիչ լինելով՝ անհրաժեշտ է բացատրել երեխաներին եւ մեծերին, որ նրանց խոսելու ձեւը նույնքա՛ն գեղեցիկ է, որքան մերը: Երկրորդ՝ որ նրանք այդպես խոսելու իրավունքն ունե՛ն: Երրորդ՝ որ, համենայնդեպս, նրանց պետք է սովորել ընդունված շարադասությունը՝ տարբեր պատճառներով: Որքան ավելի շատ ընկալեն ընդունված շարադասությունը ճնշված, աղքատ մարդիկ, այնքան ավելի շատ կկարողանան արտահայտել իրենց ձայնը, իրենց խոսքը՝ անարդարության դեմ պայքարում:
Բրազիլացի գիտնական Պաուլո Ֆրեյրիի արտահայտած մտքերը լեզվի ուսուցման մասին մեջբերում են նրա վերջին հարցազրույցի տեսագրությունից (3:49-5:58):